Nangangandaman na an US military nga maglunsar hin strike ha Iran nga posible pagbuhaton ha weekend.
Pero, waray pa pinal nga desisyon ni US President Donald Trump kun tutugutan niya an pag-atake, basar ha pira nga source nga pamilyar ha istoryahon.
Naipahibaro na gihapon ha White House nga andam na an militar agud umatake ha weekend, subay ha usa nga source, kasunod han nasipatan nga build-up o pagdamo han air ngan naval assets han Amerika ha mga nakalabay nga adlaw ha may Middle East.
Pero, sumala pa ha usa nga source, gindedebatehan pa hin pribado ni Trump kun maglulunsar hin military action ngan ginkokonsulta pa an advisers ngan iya kaalyado kun ano an mas maupay nga aksyon.
Manunumduman nga dida han Martes, nagdumara hin indirect talks an mga negotiators han Iran ngan US ha Geneva agud mapaubos an tensyon ha butnga han duha nga nasud pero nahuman ini hin waray klaro nga resolusyon.
