Magpapadara an United States hin yinukot-yukot nga Marines ngan sailors ha Middle East samtang nagpapadayon an tensyon ha rehiyon, subay ha mga opisyal han US.
Ginmalatumat han mga source nga maabot ha sobra-kulang 2,500 marines an kalakip ha expeditionary unit nga mas timprano igin padara tikang ha West Coast han Amerika.
Panuyo hini nga pakusgon an kapas han US para ha posible nga operasyon ha rehiyon, bisan man waray desisyon nga magpadara hin tropa ha sulod han Iran.
Dugang pa han report, mayda sobra-kulang 50,000 nga US troops nga nauna na nga naka-deploy ha Middle East, ngan nadugngan pa ini hin kadugangan nga Marine Expeditionary Units.
Sumala pa han opisyal, posible gamiton an mga nasabi nga pwersa para ha magkadiru-dilain nga operasyon, kaupod an air strikes o ground deployment kun kinahanglan.
Samtang, nahipatik gihapon nga babalyuan han USS Bush an aircraft carrier USS Ford mahuman nga madelatar an operasyon hini mahitungod ha maintenance ngan pagkaguba.
