WASHINGTON D.C., USA – Nagkasarabot na an Estados Unidos ngan Iran nga maghimo hin dayalogo ha Oman yana nga Biyernes bisan waray pa klaro nga agenda ha gaganapon nga dayalogo.
Siyahan na nga ginmalatumat han Washington nga an pagbubuhaton nga pag-urusturya in nakatutok ha missle arsenal han Tehran ngan an nuclear program hini.
Kun manunumduman nga grumabe an tensyon han duha nga nasud mahitungod ha kasamok ha Iran kontra ha mga demonstrator ngan an pagpapadara hin mas damo nga pwersa han US ha middle east, sugad gihapon an pahimatngon ni US President Donald Trump nga bisan ano nga oras in nakatalaan ini bombahon an Iran.
Ha kaluyo, naadman nga hira US Special envoy Steve Witkoff, Trump son-in-law Jared Kushner, ngan Iranian Foreign Minister Abbas Araqchi an nakatalaan nga mag-hampang kasumpay ha kabutangan han tensyon ha rehiyon.
An venue naman han pag-harampang in karuyag igbalhin ha Istanbul, sumala ha kahustuhan han Iran.
Samtang an nahalawig naman nga tensyon in nagdurot gihapon hin pagkabaraka ha ekonomiya han Iran kun diin apektado na hini an paghitaas han presyo han lana, ngan an tarhog han possible nga airstrikes.
