Iginsalawad na han Commission on Audit (COA) ha Independent Commission for Infrastructure (ICI) an upat nga fraud audit reports kasumpay ha flood control projects ha probinsya han Bulacan.
Kaupod hine an nasukna nga mga proyekto ha ilarom han Department of Public Works and Highways (DPWH)-Bulacan 1st District Engineering Office mahitungod ha dire tugma nga project sites, dati na nga nakatukod nga istraktura ha mga gin aprubahan nga lokasyon, ngan nawawara nga mga dokumento.
Subay ha komisyon, ngatanan han upat nga protekto in nahibaruan nga ginpatuman na ha mga lugar nga iba ha nakasurat ha ira kontrata o di man ngani in mayda istraktura na nga nakatindog ugsa paman nakarawat han mga kontraktor an ira notices to proceed o ugsa paman tikangan an kontrata.
Kasumpay hine, iginpahimatngon han COA nga an nasabi nga modus in nakakapagpahitaas han kadelikaduhan han pagkadoble o sayop nga representasyon nga kompleto na an proyekto bisan man dire pa, kun diin pira nga government engineers ngan private contractors an posible magbaton ha pagtalapas ha procurement laws ngan anti-graft statutes.
