TACLOBAN CITY – Unom nga mga suspek an naaresto ha tulo nga operasyon nga gindumara han Bobon Municipal Police Station.
Ini in kaparte naman ha mas ginpakusog nga operasyon han mga kapulisan ha pag-aresto ngan pagpuypoy ha mga wanted persons ha ira lugar.
Sumala kan SPO4 Eladio Alo, Deputy han Bobon MPS nadakop ha ira syahan nga operasyon an mag-asawa nga hi Rene Monticalvo ngan Marissa Lestajo, ada ha legal nga pangidaron ngan parehos residente han Brgy. Dancalan, Northern Samar.
An pamahayag ni SPO4 Eladio Alo, Deputy han Bobon MPS
Arestado gihapon ha usa pa nga operasyon han mga kapulisan han Bobon MPS an usa nga 18 anyos nga ulitawo nga hi Marlon de Leon, residente Brgy. Eduran ha mao nga munisipalidad mahitungod han kaso nga frustrated homicide.
Labot la hini in arestado liwat an usa nga senior citizen nga hi Orlando Camposano, 73 anyos an pangidaron, usa nga parag- uma mahitungod han pagtalapas han Article 266-A paragraph D in relation to Art. 266-B han RPC.
Samtang, naaresto gihapon hi Tiotemo Norcio, 42 anyos, usa nga parag-uma mahitungod han kaso nga frustrated homicide ngan may iginrekomenda nga pyansa nga P24,000.00
Usa naman nga pulis an arestado ha usa pa nga operasyon nga ginbuhat han Bobon MPS kun diin ginkilala an suspek nga hi PO1 Alvin Joseph Baluyot, 27 anyos an pangidaron, may asawa, PNP member nga presente nga nakaassign ha 803rd Maneuver Company mahitungod liwat han kaso hin pagtalapas han RA 9262 Sec 5 (a) o an may kalabutan ha Violence
Against Women and Children.
