ODD NEWS – Bisan ano nga buhaton naton mayda gud mga tawo nga masuson ha aton binuhat.
Danay in makomento o di man ngani madayaw.
Ngan danay liwat in mayda mga tawo nga mamimiling hin pamaagi agud nga dad-on kita ha ira lebel.
Pero mas maupay nga karma nala an magbulos hini.
Sugad han natabo han usa nga babayi ha West Colombia nga ginpakamaalo an iya kalugaringon!
Mahitungod han duro nga pagiging tsismosa hini, in na stuck hin maabot lima ka oras an iya Ulo ha usa nga gate mahuman ini nga maki isyuso ha balay han iya amyaw.
Nabaruan nga naniguro gud nga makahiling han babayi nga ginngaranan la nga Risalda ha gate han iya amyaw agud nga maki-isyuso o maki tsismis ha panimalay han ira amyaw.
Pero han mahuman na an iya mission paki tsismis ngan kukuhaon na unta niya an iya ulo in waray na ini katanggal!!
Tungod hini nga panhitabo in naribok lugod an iya mga amyaw rasun pa agud nga makatawag hin fire truck.
Ginsisirng nga pira naman nga mga firefighters an nagkuri ha pagtanggal ha ulo han mao nga babayi tungod han pagpinugong nga makatawa han naging kamutangan hini.
An unta nakiki-tsismis in yana nahimo nga tsismison ha ira lugar.
