INTERNATIONAL – Iginpahayag ni U.S. President Donald Trump an iya pagka-dismaya mahuman an pakikig-istorya ha telepono kan Russian President Vladimir Putin kasumpay han iginduduso nga ceasefire deal ha Ukraine.
Sumala kan Trump, baga-baga hin waray intensyon hi Putin nga ig undang an kasamok.
Waray daw gihapon kahingadayi an temporaryo nga pag-undang han Amerika ha pagpapadara hin armas ha Ukraine, subay ha report tikang ha Kremlin aide nga hi Yuri Ushakov.
Makalabay la an pira kaoras tikang han ira pag-iistorya, ginhipatik han mga opisyal han Kyiv an ginbuhat nga drone attack han Russia nga nagdurot hin sunong ngan balyuay hin buto ha rehiyon.
Kasumpay hine, nakatalaan naman nga makig-istorya hi Trump kan Ukrainian President Volodymyr Zelenskiy agud paghingadayan an pagka-delatar han military aid.
