TACLOBAN CITY – Usa nga panel truck an nahisakpan nga naglalabog hin septic waste o baya hin tawo ha may Magsaysay Boulevard ha syudad han Tacloban, dida han nakalabay nga adlaw.
Sumala kan Tacloban City General Services Office Head, Engr Leo Parado, an pagsigurado han kalimpyo ngan kahapsay han kalibungan han syudad in iya na mandato kumo tagmangulo han City General Services Office.
Kun diin, ine nga paglalabog hin septic waste ha kadagatan o bisan diin in dire la daw basta-basta labi na kun dire nasusubay ha sakto nga proseso mahitungod nga mayda ine kaangayan nga sirot ha hin-o man nga masasakpan.
Labot pa hine in mayda gihapon ine maraot nga epekto ha kalawasan han mga residente han syudad labi na an mga harani ha lugar gin labugan, kun diin posible ine makag-durot hin mga sakit ha panit ha mga makakakarigo ha lugar.
Ha pagkayana in naka-impound na an nasabi nga tunel truck ngan naka-paslak gihapon an tulo nga naaresto nga mga suspek.
Gin pasakahan naman an mga ine hin kaangayan nga kaso ngan penalidad.
