TACLOBAN CITY– Sobra 3,517 na an nahuman nga Yolanda Permanent Housing’s tikang ha Leyte, Samar ngan Biliran an ginpanhatag, ha pangunguna ni Pangulo Ferdinand Marcos Jr.
Pira nga parte han Sinirangan Bisayas in mayda kumpleto nga pabalay tikang ha Culaba Leyte, Marabut Samar, Tabontabon Leyte, Tanuan Leyte, Julita, Dagami, Pastrana ngan Burauen Leyte.
Nagpapasalamat an mga benepisyaryo han ira nakarawat nga balay nga sumala ha ira in dako nga bulig tungod nga an iba ha ira in naukoy hirani ha baha.
Nagtambong gihapon an iba nga mga pulitiko sugad kan House Speaker Ferdinand Martin Romualdez, Gov. Carlos Jericho Petilla ngan iba pa nga mga bantogan nga pulitiko.
Hugot an seguridad, kun diin an mga kapulisan, militar ngan iba pa nga nagpapatuman han balaud in nagbabantay nga diri makasulod ha sakob para masiguro an katalwasan han Pangulo ngan han mga tinambong.
