TACLOBAN CITY – Iginpasabot ni Presidente Ferdinand Marcos Jr., nga mahuhuman na o kun aada na ha 98% nga human ngan nakumpleto an mga pabahay nga aada ha ilarom han Yolanda Permanent Housing Program (YPHP) mahuman an sobra usa kadekada han maglasurbo ngan magbilin hin dako nga danyos perwisyo hi Super Typhoon Yolanda.
Yakan ni Marcos nga iya ginpirit nga makabisita ngan personal nga umatendir han aktibidad may paghisumpay han Ceremonial Turnover han mga pabahay mahitungod nga ha maiha daw nga panahon nga iya ini ginpanmulat.
Dugang pa niya nga ira gin una an paghingayad han mga pabahay nga substandard rason liwat nga pagdugang han pondo.
“Yung unang ginawang mga pabahay, substandard. Kulang sa kuryente, kulang sa tubig, walang kalsada, napakalayo kaya’t hindi masyadong nagamit ngunit ang ginawa natin ay ngayon nagbigay tayo ng kaunting pondo pa para yung mga NHA ginawa nauna, technically substandard ay inayos na.” yakan ni Marcos.
Ginpatapod pa han Presidente nga ini nga mga pabahay nga igin ayad ngan gin turn over in climate resilient ngan madig-on ha possible mga magkusog pa nga mga bagyo nga makaigo.
Naiintindihan naman daw hini an mga pabahay nga mga diri nauukyan mahitungod han magkadurudilain nga mga rason, sanglit gintagan daw hin pondo an mga Local Government Units para maayos an mao nga mga problema.
Kitaa an kabug-usan nga pahayag han Presidente: https://www.facebook.com/bomboradyotacloban95.1/videos/1797173177750544
