TACLOBAN CITY– Ginkumpirma han Abuyog Municipal Police Station, nga usa nga patay nga lawas an gintutuohan nga gin-salvage ngan ginlabog ha ligid hiton karsada ha Sitio Tag-abaca Abuyog Leyte.
Sumala kan PMaj Luis Hatton,Chief of Police, Abuyog Municipal Police Station, nahikit-an iton patay nga lawas han mga na ngangahoy nga residente han nasabi nga lugar.
Subay ha ira gindumara nga imbestigasyon nakahigot hin pisi ngan ginputos pa ine hin masking tape an kamot ngan tiil han biktima, samtang nakasulod ha sako.
Gintutuohan han mga otoridad, nga daan na nga patay an biktima han iglabog ine.
Samtang, na identipika na an pangilal-an hiton biktima mahuman nga mayda makakilala nga iya amyaw nga dumaop ha area kun diin nahikit-an an patay nga lawas.
Ginkilala ine kan alyas Junrey, residente han Sitio San Vicente, Poblacion Mahaplag Leyte.
Dugang pa hine, an nasabi nga biktima in anay Persons Deprived of Liberty (PDLs), nga mayda kaso nga illegal drugs, ngan na detianee ine ha Baybay Sub-Provincial Jail.
Ha pagkayana, padayon pa an gindudumara nga imbestigasyon han mga otoridad, agud nga mahibaruan an tinuod nga motibo han nasabi nga insidente.
