TACLOBAN CITY – Naghahangyo an Business Permit and Licensing Office han syudad han Tacloban ha mga business owners nga bumayad na han ira mga kabaraydan ngan mag re-new na han ira mga business permits ugsa paman an deadline.
Sumala kan Tacloban City Business Permit and Licencing Office Head, Gemmafiel Gaspay, mayda hira tulo nga satellite offices nga nago-operate ha syudad—Robinsons North Abucay, Gaisano Real, ngan Robinsons Marasbaras.
An nasabi nga mga satellite offices in nakarawat han verification han renewal han mga business permits.
Presente gihapon ha lugar an cashier, Bureau of Fire Protection, ngan iba pa, kun diin gintatalinguha han BPLO nga ma-ihatag an Business One Stop Shop (BOSS) ha mga negosyante ha syudad.
Samtang, tikang ha Enero 20 nga deadline in gin dus-os pa ine ha Enero 31 agud matagan hin tyansa an mga negosyante nga waray pa makag-asikaso han mga mga kapapelan.
Waray naman ighahatag nga penalidad, interest, ngan surcharges ha mga business owners basta dire la maglahos ha Enero 31 an pag asikaso han mga ine.
