TACLOBAN CITY- Patay an usa nga tricycle driver ha Samar mahuman nga panmumusilon han waray kakilal-i nga mga suspek.
Guinkilala an biktima kan Deolito Alcantara, 40 anyos an pangidaron, may asawa ngan residente han Brgy. Trinidad, Calbayog City, Samar.
Sumala ha pauna nga imbestigasyon han mga kapulisan nga tipakadto ha usa nga sari-sari store an biktima kun diin tigda nala nga umabot an 3 nga suspek nga sakay ha single motorsiklo ngan guinpanmumusil an biktima hin makadamo kahigayon ngan naigo hin bala an magkadirudilain nga parte han lawas hini.
Guindara pa ha hospital an biktima pero guindeklara ini nga dead on arrival han attending physician nga hi Dr. Rophil Asuero.
Samtang, nagpapadayon pa an imbestigasyon han mga kapulisan ha mao nga panhitabo.
