TACLOBAN CITY- Ginpahibaro han pamunuan han Traffic Operations Management Enfrocement Control Office (TOMECO) ha publiko, ilabi na adton mga namamagtinda ha sidewalk nga magsunod ha mga ginpapatamakan nga balaod hiton syudad kasumpay ha pagpakabuhi.
Sumala kan Jobs Lagutan, Head han Traffic Engineering Division han Tomeco, nga ngatanan kita in naniningkamut pagpakabuhi, rason nga danay in nahihingalimot an iba nga dapat in bisan ha kadi-anu iton sitwasyon in padayon la gihapon nga magsunod ha mga ginpapatuman nga aluday-day hiton syudad.
Dugang pa han mao nga opisyal, nga an ira mga nakukumpiskar nga mga gamit o paninda ha kada nagkakamayda hin clearing operation an ira buhatan in dire na an mga ine gin-uuli ha mga tag-iya basar na gihapon ha suklanan han mandato hiton syudad nga ira natalapas.
Ginmalatumat pa hine, nga labot la nga dire na ig-uuli an mga paninda o items nga nakumpiskar in papagbayaron pa an mga ine hin multa.
