Ginduduso ni Sen. Panfilo “Ping” Lacson an pagkakamay-ada hin opisyal nga transcript ngan padayon nga livestreaming han mga hearing han bicameral conference committee agud masubaybayan han publiko an mga pagbabag-o ha panukala nga 2027 national budget.
Sumala kan Lacson, importante nga magkamay-ada hin transcript o opisyal nga rekord han mga ig-uunabi ha bicam agud klaro kun hin-o an nagpanukala han mga amyenda ngan kun hin-o an nagduso han mga realignment ha mga probisyon han badyet.
Gintagan-duon ni Lacson nga maiha na waray transcript an hearing han Bicam sanglit labot la han livestreaming kinahanglan gihapon nga maipagawas ha website han senado an mga rekord han deliberasyon ngan matudlok an mga senador nga nagpanukala han mga pagbabag-o ha panukala nga balaud ha badyet.
Plano gihapon nga imbitaran ha bicam an civil society groups nga magseserbi nga mga “guardia civil” nga magbabantay kontra ha posible nga pan-aabuso ha proseso.
