TACLOBAN CITY – Ginpahibaro han Traffic Operation Management Enforcement and Control Office Tacloban TOMECO, nga padayon la ira pan-recruit han mga tinaglawas han TOMECO, ilabi na yana nga mag-aabre an face to face classes.
Sumala kan Restituto Reglos, Chief operation han TOMECO Tacloban, nga mayada hira yana ginpla-plano nga pitad, mag dumara hin traffic safety orientation sugad hiton mga school guard, school utility, ngan sugadman mga barangay tanod.
An mga ine an hihimuon nga force multiplier han mao nga buhatan, ilabi na ha mga highway ngan mga higrayo nga lugar.
Dugang pa han mao nga opisyal, nga maghahangyo hira han mga school head, ngan barangays nga tugutan nga makipagkoordinar ha ira plano para ha katalwasan han mga estudyante ha mga skwelahan.
Mag-duduso gihapon an ira buhatan hin request, nga ig-implementar gihapon an pagpatuman hin discount ha mga estudyante ngan senior citizens, ha kada an mga ine masakay ha mga pampubliko nga sarakyan, yana nga pag-abre han limited in person classes 2022-2023.
