TACLOBAN CITY — An “Tim-os nga paghigugma ha bungto ngan ha mga tawo” an naging rason han pagdalagan han anay tindero hin mga utanon ngan newly elected Mayor han Dolores Eastern, Samar.
Waray ngadaw bisan hin o nga dagko nga mga pagkatawo an nagduso ha iya nga banggaon an iya kontra dida han nakalabay nga piniliay.
Sumala kan Mayor Elect Rodrigo Rivera han Dolores Eastern, Samar, kulang an iya pondo ha pangangampanya pero damo an mga nagboluntaryo nga mga katawhan nga natuo ha iya sugadman ha iya maupay nga higyap para ha ira bungto.
San o pa man naaghat hi Mayor elect Rivera ha pagdalagan kumo Mayor in naging Kapitan anay ini ha sakob hiton 9 katuig ha Brgy. Gap-ang ha nasabi nga bungto ngan presente lagihapon ini nagbabaligya hin mga utanon ha ira pwesto ha merkado ha Dolores.
Pag-isplikar pa han alkalde nga maiha na ngadaw niya karuyag dumalagan ha pagka-alkalde ha ira bungto ngan malipayon naman ini ha naging resulta matungod siyahan ini niya nga pagprobar ha pagdalagan ha Municipal nga lebel.
Mapasinalamaton naman an mao nga Alkalde ha ginoo ngan ha mga tawo nga hul os nga suporta ha iya ngan waray hiya pasagdi ha iya pangangampanya.
