TACLOBAN CITY – Ginpahayag han Technical Education and Skills Development Authority (TESDA) nga pwede na nga makuha o makarawat han ira mga scholars an ira mga allowances pinaagi han e-wallet ha Gcash
Ini in mahuman nga igrenew han TESDA an partnership hini ha operator nga Mynt’s subsidiary, G-Xchange, Inc. (GXI).
Sumala kan Renato Dela Cruz Jr., Acting TESDA Regional Director ngan TESDA Leyte Provincial Director, dako nga ayat para ha ira an mahinay nga disbursement han allowances han ira mga scholars o mga studyante han ira mga skills trainings labi na han yana nga pagpandemya.
Pero pinaagi han Gcash e-wallet, direkta na nga makakarawat han mga scholars an ira mga allowance ngan dire na han mga ini kinahanglan pumakadto ha buhatan han TESDA o magpabalyo hin cheke.
Ginpahayag naman hini nga padayon naman an mga programa han TESDA sugadman an mga face to face ngan virtual trainings nga ira gindudumara.
