TACLOBAN CITY – Ginpahayag han Tacloban City Police Office (TCPO) nga ha padayon nga ira pagdumara hin mga operasyon ha pagpatuman han mga quarantine protocols ha syudad in mayda la gihapon pipira nga mga natalapas ngan nagkakadadakop nga mga molopyo.
Sumala kan PMaj Elmer Jabiñar, Chief Community Affairs and Development Unit han TCPO, mayda la gihapon naaresto nga mga violators ha pagkayana partikular na ha curfew, liquor ban ngan sugadman an no face mask no face shield policy.
Ha kaluyo hini, ginpahayag naman ni Jabiñar nga kun igkokompara han naglabay nga mga bulan in mas gumuruguti an ihap ha pagkayana han mga nadadakop nga mga violators.
Ini in nangangaruyag signgon naman nga damo nga mga molopyo an nagsusunod ngan nagtutuman ha mga health ngan quarantine protocols ha syudad.
