TACLOBAN CITY– Ginsigurado han Tacloban City Police Office, nga magigin mahimyang an seguridad han mga mag pa-file hiton kandidatura yana nga adlaw.
Sumala kan PCOL. Michael Palermo, City Director, Tacloban City Police Office, maabot ha 100 nga mga tinagawlas an naipasarang han ira han-ay, agud nga makaghatag hin mahimyang nga seguridad ha publiko, magin ha mga pa-file hiton Certificate of Candidacy (COC).
Dugang pa hine, visible naman an tanan nga mga kapulisan bisan ha gawas pala hiton COMELEC, ngan nakipagsumpayan na gihapon hira ha mga kapulisan hiton LPPO, nga siguraduhon an mga dalan nga aagi-an hiton mga aspirants nga mag pa-file han ira kandidatura nga mapakanhi ha Tacloban.
Ginklaro naman ine ha mga supporters nga dire naman nira ginpapagbawalan an mga ine nga suportahan an mga apirants para hiton sunod nga tuig, nga maghatag hin suporta ha ira mga manok para hiton 2025 Midterm Election.
Ginsigurado, hine nga andam hira 24 oras ha mga posible nga matabo, ngan nanawagan naman ine hin koordinasyon ha tanan, mapa-sibilyan man o dagko nga pagkatawo, nga magsunod ha mga ginpapatuman nga aludayday agud nga magkamayda hin mahimyang nga filing of Certificate of Candidacy.
