TACLOBAN CITY – Ginturnover na han Tacloban City Government ngan City DILG an responsibilidad ha mga barangay officials ha pagmentinar han mga road cleared o mga nahawanan na nga mga barangay roads ha syudad tikang ha mga nagpapakaulang nga mga obstructions o mga istruktura.
Sumala kan Dr. Maredel Burgos, Assistant for Operations han DILG Tacloban, ha gindumara nga turnover ceremony, maabot ha 37 barangay an ginhatagan han mao nga responsibilidad.
Ini in nangangaruyag signgon nga mahuman nga mahawanan an ira mga barangay pinaagi han road clearing operation han syudad, yana an Brgy. Council na an mangunguna ha paghawan han ira mga kakarsadahan o pagtanggal han mga nagpapakaulang nga istruktura.
Ginklaro naman hini nga padayon la gihapon an pag asister han city government ha kada barangay ha mao nga pagturn over han responsibilidad kun diin pwede la gihapon nga umaro hin bulig ha city task force kun kinahanglan hin manpower o mga equipment ha ira operasyon.
