TACLOBAN CITY — Naghahangyo an buhatan han Tacloban City Tourism Office ha publiko labi na ha mga mamamasyada yana nga kapiyestahan nga magsunod lagihapon ha mga ginpapatuman nga health protocol han siyudad.
Damo manggud an mga katawhan nga napapakadto ha mga parasyadahan ha siyudad labi na ha Balyuan Grounds ngan Magsaysay boulevard.
Sumala kan Bardot Atillo, tagmangulo han Tacloban City Tourism Office, bisan ha kaluyo nga igintutugot na an pagdudumara hin mga katitirok ha Tacloban in deri lagihapon wad-on an mahugot nga pagsunod ha mga health protocols sugad han sakto nga pagsusul-ot hin facemask ha public places.
Matungod nga nakapailarom ha alert level 1 status an Tacloban ngan 100% na an capacity nga gintutugot ha mga establisyemento in kinahanglan lagihapon sundon an mga simple nga aludayday ha panlawas.
Ini ngadaw nga pitad in para ha katalwasan han ngatanan ngan agud deri na magkatapon-tapon an nagpapadayon nga virus nga nadistroso ha bug-os nga kalibutan.
