TACLOBAN CITY – Padayon nga ginpakusog han Tacloban City Health Office an kampanya kontra ha ha Schistosomiasis, usa nga seryoso ngan delekado nga sakit nga kadaras-an dire dayon nasasabtan ngan makuri tambalon kun napabayaan.
Sumala ha TCHO, kaupod ha mga kumon nga sintomas han schistosomiasis an maiha nga pagul-ul han tiyan, diarrhea, pagkakamada hin dugo ha baya o ihi, haranat, panluluya han lawas ngan pag-gasa hin tigda. Ha pira nga kaso, puydi gihapon ini magdara hin pagdako hin atay, labi na kun dire dayon natatagan hin tambal.
Mahitungod hini ginaaghat an mga residente nga nakakaabat han mga nasabi nga sintomas nga dayon makipag-sumpayan ha ira mga barangay opisyal ngan health workers.
An mga speciman in kinahanglan isumite ha Barangay Hall o health clinic ngan dadad-on ha City Health Office para ha kaangayan nga eksaminasyon.
Padayon naman an panawaganhan lokal nga pangobyernuhan ha publiko nga makiusa ngan samantalahon an mga programa nga pankalawasan han syudad agud mapugngan an pagdamo han kaso han schistosomiasis ngan maatimanan an kalawasan han bug-os nga komunidad.
