TACLOBAN CITY– Malinampuson an paghuhuman hiton Eastern Visayas Regional Athletic Association (EVRAA) Meet 2025.
Sumala kan DepEd Tacloban City Division, Information Officer, Dr. Nilo Eder, nag ika-5 nga pwesto an Tacloban, kun diin naka-kuha ine hin 104 kabug-usan nga mga medalya.
Ha nasabi nga ihap, mayda an Tacloban Division, 22 nga gold medals, 35 silver, 47 bronze.
Makaka-karawat naman hin incentives an mga atleta nga naka-kuha hin medalya ha nasabi nga paisan-isan.
Madepende naman ine kun anu nga klase nga medalya an ira nadaogan, kun pira an ira makakarawat nga insentibo.
Ginmalatumat pa ni Eder, nga balik na ha normal an pira nga mga eskwelahan nga gingamit kumo billeting areas, samtang an iba naman in nagpapabilin pa nga modular learning, matungod nga mayda pa mga ateleta nga waray makapanguli ha ira tagsa-tagsa nga dibisyon.
Nagpasalamat naman ine ha tanan nga naki-usa, agud nga magin malinampuson an nasabi nga paugnat hiton kusog, partikular na ha mga kapulisan nga nag mintinar hiton seguridad, mga magturotdo, coaches, ngan iba pa.
