TACLOBAN CITY – Opisyal na nga gindeklara han Philippine Drug Enforcement Agency (PDEA) an syudad han Tacloban kumo “drug free” nga highly urbanized city.
Sumala kan Edgar Jubay, Regional Director han PDEA 8 nga humagos hin usa katuig an validation han PDEA san-o nga igdeklara nga drug free an Tacloban.
Maabot ha 138 nga mga barangay ha bug-os nga syudad han Tacloban an gideklara nga durg free han PDEA.
Iginkalipay naman han Tacloban City Mayor Cristina Romualdez an mao nga deklarasyon labi na nga makakabulig ini ha pag-angat han turismo.
Mahibabaruan nga an Tacloban nga naigo han supertyphoon Yolanda an pinakasyahan nga Highly Urbanized City ha Visayas nga gindeklara nga talwas ha ilegal nga droga.
Samtang, padayon naman an pagbubuhaton nga giya han PDEA agud nga mapabilin nga drug free an syudad.
