-- Advertisements --
TACLOBAN CITY — Nagpapabilin la gihap nga kwestiyon an pangilal-an han suspek o mga suspek han pagpusil-patay han tulo nga magparaptud ha Brgy. Saurong, Oras Eastern Samar.
Sumala ha usa nga biktima nga nakatalwas nga hi Jeffrey Palencia, waray niya kakita kun hino an nagpusil ha ira tungod nga masirom an lugar kun diin natabo an insidente.
Sugad man diri naman daw nawawarayan hin paglaum an pamilya han mga biktima nga matatagan hin hustisya an pagkamatay han ira mga mahal ha kinabuhi.
Manunumduman nga dead on the spot an magparaptod nga hira Elmer Palencia, Zosimo Palencia ngan Junie Despe mahuman nga pagpamusil ha ulo samtang hira in nagiirignom ha ilarom han puno han lubi ha mao nga lugar.
