Nanawagan hi Speaker Ferdinand Martin Romualdez ha Department of Social Welfare and Development (DSWD) nga pahaluagon pa an Pag-Abot Program—usa nga programa nga naghahatag hin halipot ngan pan-maihaan nga bulig ha mga homeless ngan pamilya ha laylayan—agud matagan hira hin higayon nga makagtikang hin pakabuhi ngan mabuhi hin may dignidad.
Ginbuhat han Speaker an panawagan mahuman nga manhatag han DSWD hin mga kagamitan pan-um ha 521 nga pamilya han Aeta ha Barangay Maruglo, Capas, Tarlac, kumo kaparte han padayon hine nga pitad agud mabuligan an mga katutubo nga magin malipayon ngan mayda kalugaringon nga pakabuhi, makalikay ha pamamalimos ha mga syudad, labi na kada panahon han Pasko.
Duon ni Romualdez, an Pag-Abot Progam in us nga importante nga social safety net nga nagpupuno ha mga kakulangan han mga programa kontra ha kakurian.
Pamatuod daw gihapon ine ha dig-on ni Presidente Ferdinand R. Marcos Jr. nga utdon an kakurian, subay ha Philippine Development Plan 2023–2028 ngan United Nations Sustainable Development Goals.
