-- Advertisements --
TACLOBAN CITY – Narekupo ha gindumara nga buy-bust operation ha Brgy. Ingan, Hinunangan, Southern Leyte an sobra P3M nga kantidad han gin aalegar nga shabu.
Ginkilala an suspek kan alyas Lan, 44-anyos an pangidaron, ngan residente han Brgy. Libas, Hinunangan, Southern Leyte.
Sumala kan PMaj. Chloe Sergio Jun Lapastora, Acting Chief of Police hiton Hinunangan Municipal Police Station, usa nga high-valued target suspek.
Nakuha ha suspek an napulo ka-pakete nga subject of sale ngan usa pa ka-pakete han gin alegar nga shabu nga may kabug-aton nga mga 521.5 kagramos ngan nagkakantidad hin P3, 546, 200.
Ha pagkayana in nakapaslak na an suspek ngan mag-aatubang ha kaso pagtalapas ha RA 9165 o Comprehensive Dangerous Drugs Act of 2002.
