TACLOBAN CITY – Iginkakabaraka han National Food Authority (NFA) Regional Office 8 an sobra 900 sako hin bugas nga nadudunot na ha ira warehouse ha port area han syudad han Tacloban.
Ini in mahuman nira nga sertipikahan an mao nga bugas nga “unfit for human and animal consumption.”
Sumala kan Henry Tristeza, Regional Manager ng NFA 8, posible daw nga maapektaran gihapon an iba pa nga mag-upay pa nga bugas nga nakastock ha ira warehouse ngan sugadman an tiarabot nga imported rice kun diri matatanggal dayon an mao nga nadudunot na nga bugas.
Samtang, iginpahayag naman han Bureau of Customs Regional Office VIII, nga ha pagkayana in nagpasa na hira hin request ha City Government han Tacloban nga asya an magdedesisyon kun san-o ngan diin ididispose an mao nga bugas.
Mahibabaruan nga nakompiska han BOC an mao nga bugas han tuig 2014 kun diin pira anay katuig san-o ini napagdesisyunan mahitungod nagbarubalyo hira han ira district collector ngan han ginpailarom ini ha auction in waray naman nagbid para hini.
Damo naman an nanganugon ha mao nga panhitabo labi na nga nakakaeksperyensya ha pagkayana an bug-os nga Pilipinas hin kakulangan han suplay hin NFA rice.
