TACLOBAN CITY – Malipayon nga gin-anunsyo han Department of Social Welfare and Development (DSWD) an naging accomplishment hini pag-implementar ngan paghatag hin ayuda pinaagi han Social Amelioration Program (SAP) han Bayanihan 1 ngan 2.
![](https://img.bomboradyo.com/tacloban/2021/03/DSWD-sap-PNA-mar-13-2021-scaled.jpg)
Sumala kan Kenny Rodolf Unay, Agency Operation Focal Person han DSWD 8, ha kabug-usan in umabot ha 651, 352 nga mga benepisaryo han SAP an natagan hin tag-singko mil kapesos ha bug-os nga rehiyon.
Ha mao nga ihap, 619, 565 beneficiaries an natagan pinaagi han Bayanihan 1 ngan 31, 787 an natagan pinaagi han Bayanihan 2.
Pinakadamo naman nga mga benepisaryo in tikang ha probinsya han Leyte.
Nahibaruan nga labot la han SAP, in gin-implementar gihapon han DSWD an mga regular nga programa hini, livelihood programs and grants agud nga mabuligan an mga molopyo nga duro nga naapektaran han pandemya tikang ha magkadirudilain nga sektor.