INTERNATIONAL NEWS– Maabot ha 130 nga mga foreign delegations kaupod na an 50 heads of state ngan 10 nga mga monarchs an maatinder ha lubong ni Pope Francis.
Subay ha Vatican, nga an nasabi nga listahan in pwede pa nga madugangan kutob ha adlaw hiton Sabado.
Gin-anunsyo gihapon han Vatican nga ira ginpahalawig an oras han public viewing ha patay nga lawas han Santo Papa.
Nakatalaan mangud nga humanon yana nga gab-i hiton Biyernes an pagpila, pero matungod nga damo an karuyag nga makit-an iton Santo Papa ira ine ginpahalawig.
Manunumduman, nagin hilaba an pila hiton mga tawo nga tikang ha iba nga nasud agud kumita ngan makisubo ha pagkamatay ni Pope Francis.
Ginbabana-bana naman nga posible malahusan an ihap hiton mga nakisubo hadton mamatay hi Pope John Paul II han tuig 2005.
