INTERNATIONAL – Nanganganib nga mamatay an aada ha sobra 14M katawo pag-ulpot ha tuig 2030 matungod ha pagbulag han administrasyon ni US Pres. Donald Trump ha US Agency for International Development (USAID).
Ini in basar ha pag-aram nga ginbuhat ha prestihiyoso nga Lancet medical journal kaupod an pagkatitirok han business leaders para ha UN conference ha Spain yana nga semana nga panuyuan mapakusog an aid sector.
Nakita han pag-aram nga aada ha one-third han nasabi nga ihap, o sobra 4.5 ka milyon nga kabataan nga waray pa mag-5 anyos, an mamamatay pag-abot han 2030, o 700,000 nga kabataan kada tuig.
Ha usa nga pahayag, an co-author han report han Lancet nga hi Davide Rasella in nagsmalatumat nga para ha low ngan middle income nga mga nasud, an makangingirhat nga konsekwensya han pagbulag han US aid agency in puruparehas ha global pandemic o dako nga armed conflict.
Nagsering gihapon hiya nga an duha ka dekada nga pag-uswag ha panlawas para han vulnerable nga mga populasyon in namemeligro.
Manunumduman, nga una na nga ginmalatumat ni US Sec. of State Marco Rubio nga ginkansela han administrasyon ni Pres. Trump an sobra 80% nga tanan nga mga programa ha USAID.
