TACLOBAN CITY – Andam daw la gihapon nga kumarawat an siyudad han Borongan han mga Locally Stranded Individual (LSI), Authorized Person Outside Residence (APOR), ngan returning OFW tikang ha iba nga lugar bisan kun waray an mga ine dara nga mga kaangayan nga dokumento.
Sumala kan Borongan City Mayor Jose Ivan Dayan Agda, nga ha luyo nga usa hira ha mayda pinakamahugot nga border control checkpoints tutugutan nira nga makasulod ha ira an mga Boronganon nga waray travel authority ngan medical certificate pero kinahanglan liwat nga sumunod an mga ini ha ginpapatuman nga 14 diyas nga mandatory quarantine san-o makauli ha kada tagsa tagsa nga mga panimalay.
Mayda naman daw gihapon hira gin andam nga mga isolation facilities nga pwede magamit han mga locally stranded individuals, returning overseas workers, and authorized persons outside residence (APOR).
Ini nga mga pasilidad in nahimumutang ha Brgy. San Jose, Maypandan, Sta. Fe, ngan Benowangan nga ginpondohan han city government hin P30.76 million.
Samtang magigin talwas iton mga Boronganon nga tikang ha Metro Manila kon mangunguli an mga ini ira syudad tungod nga kutob ha pagkayana in nagpapabilin la gihapon nga COVID free an Borongan City.
Andam naman daw asisteran han city government an mga indibidwal pinaagi han iba iba nira nga mga programa.
