TACLOBAN CITY– Ginklaro han Disaster Risk Reduction Management Office, an kasumpay ha sinkhole ha butnga han kalsada ha Hinabangan Samar.
Sumala kan Hinabangan Samar, Disaster Risk Reduction Management Officer/ OIC Admin nga hi Alan Babon, nabuho an nasabi nga karsada pasado alas 6 hiton gabi, kakulop nga adlaw.
Labot hini, makikit-an an nasabi nga sinkhole ha butnga han Brgy. Osmeña ngan Brgy. Rawis Hinabangan Samar,
Subay han ira imbistigasyon, nakit-an nga an ilarom han sinkhole in usa nga pipe culvert, ngan gintutuohan nga napuno ini hin tubig, rason nga umagi an tubig han baha ha bawbaw han culvert, nga nagin rason han pagnipis han tuna, ngan magresulta hiton pagkakamayda hin sinkhole.
Ha pagakyana, nagbutang na hira hin mga barikada para ha mga naagi nga motorista agud nga makalikay ine ha disgrasya.
Mahinunumduman nga han naglabay nga adlaw in nakakaeksperyensya hin pag-uran an dapit han Samar.
Nakipagsumpayan hira ha chief executive kun ano an bubuhaton han nasabi nga sinkhole.
