NATIONAL – Positibo an Philippine Air Force nga makakagdumara ine hin mas damo nga high-level interactions kaupod an US Pacific Air Force (PACAF).
Ine in kahuman han syahan nga pagbisita ni PACAF Commander Gen. Kevin Schneider ha Villamor Air Base, ha Pasay City ngan pakikighampang kan PAF Commander Arthur Cordura.
Sumala kan Phil. Air Force Spokesperson Col. Ma. Consuelo Castillo, karuyag nga pahaluagon han duha an kooperasyon ha humanitarian assistance and disaster relief operations, pagpapakusog ha defense capabilities han Pilipinas, ngan promosyon ha regional security ha Asia-Pacific region.
Ha mga nakalabay nga tuig kutob ha presente in mayda mga joint exercises ngan training programs na nga gindudumara an duha nga air force nga naka-pokus ha information sharing, airman-to-airman talks, ngan routine maritime cooperative activities.
An mga ine in kaparte gihapon han gin hingadayan nira Gen. Schneider ngan Gen. Cordura, kaupod an posible nga pagpapahaluag pa hine.
Samtang, labot ha pagbisita ha Villamor Air Base, gin bisita gihapon ni Schneider an PAF Air Bases ngan EDCA project site ha Pampanga, Palawan, Cebu, ngan Lumbia Airport ha Cagayan de Oro.
