TACLOBAN CITY– Maabot ha 15,669 an ginhitaas han kaso hiton dengue ha rehiyon han nakalabay nga tuig.
An nasabi nga ihap in tikang ha 4,539 nga kaso nga naitala han Department of Health Eastern Visayas han tuig 2023.
Sumala kan Department of Health Eastern Visayas, Program Manager, Leonido Olobia, nga labot la ha nasabi nga ihap, humitaas gihapon an mga namatay han nakalabay nga tuig, kun diin sumaka ine ha 27 iton ihap, kumpara han 10 nga namatay han 2023.
Ginmalatumat hine, nga kadam-an ha mga nagpositibo in kalalakin-in nga nag-eedad hin 1-10-anyos, an panuigon.
Dugang pa ni Olobia, an probinsya hiton Leyte an nakaghipatik hin pinakadamo nga kaso han nakalabay nga tuig, nga umabot ha 4,905, samtang an Samar in mayda 3,899, an Eastern Samar 1,031, sugadman an Northern Samar nga mayda 1,020, ngan an Samar nga maabot ha 3,899.
Padayon naman an programa nga gin hihimo han Department of Health Region 8 ha pakikipag coordinate ha mga lokal nga LGU’s ha mga baranggays kasumpay hiton education campaign kontra dengue.
Usa ha mga programa nga ginduduso amu iton 4S campaign:
Una an “Search and Destroy mosquito breeding sites” o pag destroso han mga gin papamugaran o gin uukyan han mga “kiti-kiti” sugad man an mga nag paka pundok nga tubig ha sakob o gawas man han panimalay.
Ika-duha an “Seek Consultation” pag papa checkup Kun makaabat hin tigda nga pag hitaas hin hiranat ngan iba pa na sintomas ha sakob 2 ka adlaw.
Ika-tulo an “Self-protect” sugad man an pag sul-ot hin mga saruwal, mga light colored na bado ngan paggamit hin insect repellant
Ika-upat liwat an “Suppor fogging activities” kundiin an pagkikipag usa ha mga programa han Department of Health.
