-- Advertisements --
TACLOBAN CITY– Maabot ha P9 ka milyon, nga kantidad han gin-aaligar nga droga an nakumpiskar ha Magsaysay Blvd. Tacloban City.
Ha gindumara nga buy bust operation han TCPO ha koordinasyon han PDEA-8 ha Brgy. 25 Magsaysay Blvd. Tacloban City, nakumpiskar ha usa nga suspetsado nga hi alyas “Budoy” an maabot P 9,724,000.00 nga kantidad hin shabu.
Nakuhaa gihapon ha suspek an 1 nga 9mm. pistol ngan 1 nga magazine nga may sulod nga 4 nga bala.
Maatubang an suspek hin pagtalapas ha RA 9165 o Comprehensive Dangerous Drugs Act of 2002 ngan RA 109591 nga pagtalapas naman han COMELEC election gunban.
Ada na ha kustodiya han kapulisan an suspek para han kaangayan nga disposisyon.
Photo Courtesy | PDEA-Otso
