NATIONAL NEWS– Dismayado an Public Attorney’s Office ha nagin desisyon han Department of Justice nga ig-atras an kaso nga ginhaon kontra kan anay Health Secretary Janette Garin ngan iba pa nga indibidwal nga dabi ha isyu han Dengvaxia vaccine.
Matungod dinhe, naghaon hin motion for reconsideration an PAO ngan ginhangyo nga bawion han Justice Department an ira desisyon.
Subay ha page 68 han motion for reconsideration, gindig-unan PAO nga mayda sadang nga prima facie evidence para mapamatud-an nga guilty hi Garin, Dr. Gerardo Bayugo, ngan Dr. Ma Joyce Ducusin.
Pamatuod ine han pagkamatay hiton ada ha 170 nga mga kabataan mahuman nga maturukan han Dengvaxia vaccine.
Gindig-unan gihapon ha mosyon nga dire pwede baliwarayon han mga akusado an ira gingimo nga pagtalapas ha batakang balaod.
