NATIONAL NEWS– Aprubado na hiton House Committee on Labor and Employment ha pangunguna ni Rep. Fidel Nograles an balaodnon nga magpapatuman hin P200 across the board wage hike.
Ha hearing han Komite yana nga adlaw ginpagdig-on han house panel an substitute bill para ha House Bill 514, 756, 7871 ngan 10319 para magpatuman hin increase ha sweldo.
Subay ha P200 Daily Across-the-Board Wage Increase Act, tanan nga mga employers ha pribado nga sektor, agricultural man o dire, anuman kadako an kapitalisasyon ngan ihap han mga empleyado in babayaran an ira mga empleyado hin dugang nga P200.
Nakasulod gihapon ha balaodnon nga hino man nga indibidwal korporasyon, trust, firm, partnership, association o entity nga matalapas in pwede pasakahan hin kaso nga P50,000-P100,000 o pagkaka-preso hin 2 ngada 4 katuig.
An Department of Labor and Employment an mangunguna ga pagbug-os han implementing rules and regulations ha balaod.
