NATIONAL – Nakatalaan nga igablik han Manila Electric Cooperative (Meralco) an kabug-usan nga P19 billion ha mga power consumer nga ginsusuplayan hine.
An P19 billion in nasakop ha diperensya ha butnga han actual weighted average tariff han nasabi nga kompanya ngan an naaprubahan nga rate nga P1.36 per kWh tikang ha July 2022 kutob han Disyembre 2024.
Ha ilarom han refund proposal han MERALCO, maiibanan hin P0.19per kWh an rate para ha mga residential customers tikang ha presente nga rate nga P11.7428 per kWh.
An nasabi nga proposal in kinahanglan pa aprubahan han Energy Regulatory Commission (ERC).
Pwede gihapon ine ig modify han komisyon.
Syahan nga igimando han ERC ha MERALCO nga ig refund an mga gastuhon nga nakasulod ha regulatory rate reset process, sugad han pagkuha ha mga technical expert.
An nasabi nga kamanduhan in igin pagawas la dida han December 2025.
