TACLOBAN CITY – Ginpa-ilarom ha red alert status an bug-os nga Eastern Visayas mahitungod han padayon nga aftershocks durot han makusog nga 6.9 magnitude nga linog nga umigo ha Bogo City, Cebu han Setyembre 30, 2025.
Subay kan Philippine Army Joint Task Group Tacloban Commander, Col. Ronald Illana, naka-red alert na ang tanan nga unit han militar ha rehiyon kumo pangandaman ha posible nga Humanitarian Assistance and Disaster Response (HADR) operations.
Mahitungod hini in temporaryo nga ginkansela han mga otoridad an mga dire gud importante nga mga aktibidad agud nga makapag-pokus ha mga posible nga operasyon ha butnga han padayon nga aftershocks hiton linog.
Dugang pa han opisyal, nakaandam na gihapon an AFP Region 8 nga bumulig ha mga apektado nga lugar ha Region 7.
Padayon naman nga gjnbabantayan han mga otoridad ngan mga lokal nga ahensiya han gobyerno an sitwasyon mahitungod nga ginlalauman pa an aftershocks ha mga masunod nga adlaw.
Ginpaalalahan gihapon an publiko nga maging kalmado, mag-ikmat, ngan mamati ha mga opisyal nga abiso tikang ha mga awtoridad. (via Bombo Shiela Encio)
