TACLOBAN CITY – Nakaghipatik an Sinirangan Bisayas hin hitaas nga passing rate ha mga namag-exam han Nurse Licensure Exams yana nga tuig 2024.
Sumala kan Commission on Higher Education Regional Office 8, Regional Director, Dr. Maximo Aljibe nga ginkakalipay niya nga kadam-an mga taga-Sinirangan Bisayas an mga nagpakapasar han mao nga exam ngan nahilakip ha Top 10 yana nga tuig.
Dugang pa hini nga karuyag signgon la nga harani 100% an passing rate han mga eskwelahan ngan unibersidad ha rehiyon nga nagtututdo ngan nagspe-specialize hin kurso nga medikal.
Sumala pa han opisyal nga nakikita niya nga may disiplina ngan naniniguro an mga kabataan nga makapasar ha mao nga exam ngan sugad man may dekalidad an ginhahatag nga panutduan han mga magturutdo ngan eskwelahan.
Samtang, basar naman ha datos han CHED, aada naman ha 89.18% an pan kabug-usan nga porsyento han mga nagpakapasar han Nurse Licensure Exams ha Sinirangan Bisayas yana nga tuig.
