INTERNATIONAL – Nakumpiskar han mga otoridad ha Australia an maabot 2.3 milyon ka-tonelada hin cocaine, samtang naaresto naman an 11 katawo ngan duha nga menor de edad.
Nadiskubre an nasabi nga mga iligal nga droga tikang ha naruba nga sakayan ha kadagatan han Queensland.
Ginbabana-bana nga maabot ha $490 milyon an balur han mga nakumpiskar nga kontrabando.
Gin-kokonsidera ine pinakado nga kantidad hin droga nga nakumpiskar ha kasaysayan han Australia.
Sumala naman ha Australian Federal Police (AFP), usa ha mga naaresto in bise-presidente han Comanchero outlaw motorcycle club ha Brisbane chapter.
An nasabi nga bikers gangs in notoryos ha Australia nga nagpapahurak ha operasyon han iligal nga droga.
Kaparte han nasabi nga operasyon kontra ha Comanchero gang an gintatawag han mga otoridad nga Operation Tyrrendor nga gintikangan dida han naglabay nga bulan.
