INTERNATIONAL – Nagsayupay an militar han Israel ngan Hezbollah militants ha Lebanon ha pagtalapas han ceasefire deal, tulo ka-adlaw tikang han igipatuman ini han nakalabay nga Miyerkules.
Ha panig han militar han Israel, igin pahayag hini nga na-igo han ira air force an pasilidad nga gin gagamit han Hezbollah nga imbakan han mid-range rockets ha southern Lebanon mahuman nga tumalapas an Hezbollah ha ceasefire.
Samtang, ha panig naman han Hezbollah, gin akusaran hini an Israel ha pagtalapas han kasabotan mahitungod nga gin aaligar nga gin atake an mga Lebanese nga tibalik unta ha border villages.
An balyu-ay han mga akusasyon ha magka-luyo nga panig in nagpapakita nga diri marig-on an ceasefire nga gin trabaho han US ngan France agud ma-undang na an giyera.
