INTERNATIONAL – Nagdeklara hin martial law hi South Korean Pres. Yoon Suk Yeol ha gindumara nga unannounced late night address, kagab-i Martes, Disyembre 3 kun diin, ginakusaran hini an oposisyon han South Korea nga North Korean sympathizers ngan mga anti-state.
Waray naman nagmalatumat hi Yoon kun ano nga mga pitad an pagbubuhaton.
Sumala hini nga an mga pitad han oposisyon in klaro nga anti-state behavior kun diin, nagaaghat ini hin rebelyon nga nakakaparalisa ha kabutangan han nasud.
Dugang pa hini nga nahihimo nga “Den of criminals” an National Assembly han South Korea.
Samtang, gindoon naman hini an pagpalusad hini hin martial law kun diin, sumala hini nga kinahanglan agud mapugngan an mga pro-North anti-state forces ngan maproteheran an seguridad han molupyo.
