TACLOBAN CITY – Guinduduso ni Senador Cynthia A. Villar an hataas nga produksyon hin mga kawayan ha nasud Pilipinas.
May kalabutan ini ha pag atender ni Villar ha Global Bamboo and Rattan Congress 2018 ha Beijing, China
kun diin nasantop hini nga an industriya hin kawayan ha mga tipag-uruswag nga nasud an susi para mas
mapaangat an kinabuhi han mga pararag-uma tikang ha duro nga kapobrehan.
Nahisabutan han senador nga ha pira nga parte han China, an kada parag-uma nga nagtatag-iya hin usa
kaektarya hin katunaan nga guinpanamnan hin kawayan in nakakagtirok hin USD30,000 o maabot hin
PHP1.5 million ha kada tuig.
Mababaruan nga ha China, guin gagamit an kawayan kumo construction materials, drainage pipes ngan
water pipes.
Ha nasud Pilipinas naman, maooserbaran nga limitado la an pag gamit han kawayan partikular ha paghimo
hin mga dekorasyon ha panimalay ngan mga furniture.
Una hini, usa ha mga nasipatan ni Senadora Villar nga angay tanuman hin mga kawayan an Sinirangan
Bisayas mahitungod nga damo an parag-uma nga nagtatag-iya hin pira kaektarya hin katunaan.
