Pormal nga ginbantad ni Senator Imee Marcos an ehekutibo agud igbuyagyag an daw sabot ha butnga han gobyerno ngan han International Criminal Court (ICC) kasumpay ha pag-aresto kan anay presidente Rodrigo Duterte.
Pinaagi han Senate Resolution No. 340 nga iginsalawad hini dida han Martes, gin obliga han senadora an administrasyon nga igsapubliko an ngatanan han communications ngan agreements ha ICC, kadungan han syahan nga anibersaryo han pag-aresto kan Duterte kakulop nga adlaw, Marso 11.
Gin sukna ni Marcos an magkaiba nga posisyon han gobyerno, labi na an pakikigsumpayan ni Justice Secretary Jesus Crispin Remulla ha langyawanon nga korte.
Nanawagan hi Marcos nga papagbatunon an mga opisyal nga nagtalapas ha Konstitusyon ngan iginduon an immediate return ni Duterte ha nasud.
Manunumduman nga pormal na nga lumakat an Pilipinas ha Rome Statute dida han 2019, sanglit maduon nga ginbaribaran han senador an pagbaliwaay ha Philippine Judiciary pabor ha mga arrest warrants han ICC.
