Gin anunsyo ni Department of Justice Secretary Fredderick Vida nga waray na ha kustodiya han nasud Czech Republic hi anay Ako Bicol Party-list Rep. Zaldy Co.
Ha usa nga pamahayag, gin malatumat mismo ni Justice Secretary Fredderick Vida nga nakagawas na ha nasud an pugante nga anay mambaralaod.
Ini an igin pahamtang han mga otoridad han Czech Republic ha nahinabo nga meeting kanit ha sitwasyon ni former Cong. Zaldy Co.
Aminado naman hi Justice Secretary Vida nga an impormasyon nga nakagawas na ha nasud an mao nga pugante in nakuha sugad man waray na iba pa nga impormasyon nga igin hatag ha ira.
Samtang, naglalaom an ahensya hin pag iisyu han International Criminal Police Organization hin ‘Red Notice’ kontra ha anay mambaralaod. Mahitungod nga pinaagi hini in puydi idetenar ngan igbalik dayon ha Pilipinas an kustodiya ni former Rep. Zaldy Co.
Ha lain nga bahin, kumpiyansa la gihapon hi DOJ Secretary Fredderick Vida nga maibabalik hi Co ha Pilipinas ha kaluyo han pakagawas hini ha Czech Republic.
