NATIONAL – Umapela hi Senadora Imee Marcos ha iya bugto nga hi Presidente Ferdinand Marcos Jr., nga maghirot ngan magin listo ha pakikigdiskusyon kan US President Donald Trump.
Pahimatngon han senadora, kinahanglan nga patas ngan pantay an kasabutan agud makita han Estados Unidos nga an Pilipinas in nasud nga mayda kalugaringon nga dignidad ngan gindidig-unon.
Duon pa hine, an pakikipagdiskusyon in kinahanglan nga usa nga pakikigpagsumpayan ngan dire pagsurender.
Kumo dukot daw nga kaalyado han Amerika ha istoryahon nga militar ngan ekonomiya, kinahanglan maiduso han presidente an 10% ha taripa, bisan ig tupong nala ha Indonesia nga 19% mahitungod nga baga hin mas hitaas pa daw hine an buwis nga karuyag igpahamtang ha nasud.
Angay la daw nga dire pumirma an presidente ha bisan anu nga kasabutan nga ha kaurhian in madedehado naman an nasud, bisan pa kun mayda ine kabalyo nga bulawan, personal nga patapod o deklarasyon han alyansa.
Dugang pa han senadora, dire dapat tumugot an Pilipinas nga magpa-kontrol ha Amerika partikular na ha serbisyo ngan suplay mahitungod nga sigurado nga makakapekto ine ha kalugaringon nga domestic economic policies han nasud.
