NATIONAL NEWS- Dismayado hi Senator Bong Go ha grabi nga danyos nga ginbayaan ni Bagyong Tino ha Cebu.
Manunumduman nga bumisita an senador ha Cebu mahuman an nagin paglinog ha rehiyon, pero subay ha iya mas nakakadismayado nga kitaon an an resulta han bagyo.
Ginpanawagan naman han senador ha national government nga gamiton an tanan nga mga resources agud nga maibalik ha normal an pagkinabuhi han mga nadarahigan han bagyo ha dagmit nga panahon.
Gintapo naman hi Senator Go hin ginatos-gatos nga evacuees, kun diin makikit-an an duro nga panginahanglan han mga evacuation centers.
Dugang pa hine, kumo Vice Chairman ng Senate Committee on Finance, kinahanglan nga siguraduhon han gobyerno an pondo han nasud in nahihingadto ha mga proyekto nga tinuod nga matatagamtaman ngan dire mga substandard nga flood control o ghost projects.
